❤ فعاليه شات الكوره جاب قول ❤

[«®MOoODE•∙™]

بسم الله الرحمن الرحيم

مدخل:

عندنا فعالية في قسم ((استاد خبال)) حصريه وبطله

:الشرح:

راح نجيب صوره من اي مبارات وفي هالصوره راح نحط اكثر من كورة
ونرقمهم وانتم تختارون الرقم الي تتوقع فيه الكوره ...

:الشروط:

1- ما نبي شتشته و في نفس الوقت خذو راحتكم بس بشي يستاهل.

2- ردك لازم يكون رقم التوقع في الصورة .

3-ابي الكل يفلها وينبسط..

اهم شرط ....

4- لا احد يجي يقول الكوره رقم 2 ويسكت لا لازم يقول ليه اختار هذي الكوره وش تحليله لها ووجهه نظره

يعني لازم يتكلم عن اختياره

والي يجاوب مع ذكر السبب له 5 نقاط

والي يجاوب وحتى لو اجابته صح بدون مايقول السبب صفر

وراح نبدا من بكره ان شاء الله

((وانشاء الله تعجبكم الفعالية ))

مخرج:

[مستر مدري]

مودي يالمجرم

وش ذا الزين يالبا قلبك بس


نحتري الفعاليه على احر من الجمر


يالله ومن الحين اقولها انا اللي بفوز

واذا مافزت فـ اللي بيفوز ببنده


<-- كل تراب


يالبا قلبك مودي نحتريك بكره على خير

[الخال]

اوكيه هالفعاليه


بس عندي ملاحظه على شروط هالفعاليه وفعاليه من له

- لا احد يجي يقول الكوره رقم 2 ويسكت لا لازم يقول ليه اختار هذي الكوره وش تحليله لها ووجهه نظره

يعني لازم يتكلم عن اختياره

وين تعبير

ليه لازم نقول ليه اخترت ما اشوف لها فائده <<كجرد وجهةنظر

[BISON]

وش ذا الزين فعاليات وحركات

نستناكم

[«®MOoODE•∙™]

الخال هذا من اهم الشروط


يالله نبدا الفعاليه على بركت الله ..

الصوره...../




تفضلو.. على قل الكلافة

[this is me]

انا اقول الكوره 4 احس انها هي لانها اكبر وحده
وطايرتن بوهتها تقول 3 لانه يناظرها

يآرب صح علي

[ـأطلق شـئ]

انااا اقول 3

تسذا احساسي يقول .. حجمها مناسب للكوره تقريبا

والباقي ممكن يصير فيه اشكال مكختلفه يعني فيه اللي مو متواسي

وفيه اللي مدري كيف

الزبده اني اتوقع 3

[جروح الوقت]

اولاً وقبل كل شيء مشكور يا مودي على هالفعالية

ثانياً الصورة توش بالواحد الرجال وضعيته تدل على ان الكورة في مكان وعيونه تناظر في مكان ثاني

انا اقول رقم (1) مجرد احساس لا يستند على اي دليل

[иЗőǑőмả]

انا اناا

5

كيف اقول ليه اخترتهاا بس كيذا حدسي يقوول <= ؟

تيب خمسه لانها سارت بالارض !

[MajnOOnk]

انا اقول ثلاثه لانه قاعد ينارها ..

ياشباب قولو ليه لو تسليك بس عشان مودي مايعصب علينا ..